திருமால் வேறு மாயோன் வேறு என்ற பிரிவினைகளில் ஆரம்பித்து திருமால் வழிபாடே சங்க இலக்கியங்களில் இல்லை என்ற பச்சை பொய்கள் வரை இங்கே மதச்சார்பின்மை பேசுபவர்களால் சித்தரிக்கப்படுகிறது....!
அவ்வகையில் இப்பதிவில் சங்க இலக்கியங்களில் உள்ள திருமால் வழிபாட்டின் ஒரு சிறு பகுதியை காண்போம்....!
அதாவது சங்க இலக்கியம் னு எடுத்துக்கொண்டால் நமக்கு கிடைத்த மிகப் பழமையான நூல் தொல்காப்பியம் ஆகும். தொல்காப்பியம் திருமாலை #மாயோன் என்று போற்றுகிறது...!
"மாயோன் மேய காடுறை உலகமும்"
"மாயோன் மேய மன்பெருஞ் சிறப்பின்
தாவா விழுப்புகழ்ப் பூவை நிலையும்"
என்று தமிழ் இலக்கியங்களில் தொல்காப்பியம் திருமால் வழிபாட்டின் ஆதியாகி நிற்கிறது.....!
அடுத்ததாக கடை சங்க இலக்கியங்களில் முன்னதாக கருதப்படும் புறநானூறு திருமாலையும் பலராமனையும் சுட்டுகிறது...!👇
"பால்நிறை உருவின் பனைக்கொடி யோனும்,
நின்ற உருவின் நேமியோனும் என்ற
இருபெருந் தெய்வமும் உடன் நின்றா அங்கு
உருகெழு தோற்றமொடு உட்குவர விளங்கி"
இங்கு வரும் பனைக்கொடியோனை தொல்காப்பியரும் "பனைமுன் கொடிவரின்" எனும் வரிகளால் விளக்குகிறார். இதை #பரிபாடலும் பதிவு செய்கிறது.......!
அடுத்ததாக பதிற்றுப்பத்திலும் திருமால் வழிபாடு மேலோங்கி காணப்படுகிறது👇👇👇
"கமழ்குரல் துழாஅய்
அலங்கல் செல்வன் சேவடி பரவி"
"மண்ணுடை ஞாலத்து மன்உயிர்க்கு எஞ்சாது
ஈத்துக் கை தண்டாக் கை கடுந்துப்பின்
புரைவயின் புரைவயின் பெரிய நல்கி
ஏமம் ஆகிய சீர்கெழு விழவின்
நெடியொன் அன்ன நல் இசை
ஒடியா மைந்தே நின்பண்பு பல நயத்தே"
"குன்று தலைமணந்து, குழூஉக்கடல் உடுத்த
மண்கெழு ஞாலத்து மாந்தர் ஒராங்குக்
கைசுமந்து அலறும் பூசல் மாதிரத்து
நால்வேறு நனந்தலை ஒருங்குஎழுந்து ஒலிப்ப
தெள்உயர் வடிமணி எறியுநர் கல்லென
உண்ணாப் பஞ்ஞிலம் பனித்துறை மண்ணி
வண்டுஊது பொலிதார், திருஞெமர் அகலத்து
கண்பொரு திகிரி கமழ்குரல் துழாஅய்
அலங்கல் செல்வன் சேவடி பரவி
நெஞ்சுமலி உவகையர் துஞ்சுபதி பெயர"
"மாய வண்ணனை மனன் உறப் பெற்று"
என்னும் பாடல் வரிகள் இடம்பெற்றுள்ளது. இவ்வரியானது கரியநிறமுடைய திருமாலைத் தன் மனத்தில் பொருந்தப் பெற்றவன் என்னும் பொருளைத்தருகின்றது..!
மதுரைக் காஞ்சியில்:
"சுணங்கொள் அவுணர்க் கடந்த பொலந்தார்
மாயோன் மேய ஓணநன்னாள்"
பரிபாடலில்:
"தீயினுள் தெறல் நீ; பூவினுள் நாற்றம் நீ;
கல்லினுள் மணியும் நீ; சொல்லினுள் வாய்மை நீ;
அறத்தினுள் அன்பு நீ; மறத்தினுள் மைந்து நீ;
வேதத்து மறை நீ; பூதத்து முதலும் நீ;
வெஞ்சுடர் ஒளியும் நீ; திங்களுள் அணியும் நீ;
அனைத்தும் நீ; அனைத்தின் உட்பொருளும் நீ"
"துழாயோன் நல்கின் அல்லதை
ஏறுதல் எளிதோ வீறுபெறு துறக்கம்"
திருமாலுடைய திருவடி பிறவிப் பெருங்கடலைக் கடக்கத் துணை செய்வது பிறப்பறுக்கும் திருவடி என்பதை..!👇
மா அயோயே மா அயோயே!
மறுபிறப்பு அறுக்கும் மாசுஇல் சேவடி
மணிதிகழ் உருபின் மாஅயோயே!
என்றும் திருமால் பற்றிய தரவுகளை தருகிறது....!
கலித்தொகையில்:
"இகுளை!
காயாம்பூக் கண்ணிப் பொதுவன் தகை கண்டை
வாய் பகுத்திட்டு, புடைத்தஞான்று இன்னன் சொல்
மாயோன் என்று உட்கிற்று, என் நெஞ்சு"
என்றும் திருமாலை பதிவு செய்கிறது....!
நற்றிணையில்:
மாயோன் அன்ன மால்வரைக் கவாஅன்”
என்றும் திருமாலை பதிவு செய்கிறது....!
சிலப்பதிகாரம் கூட திருமாலை விட்டுவைக்கவில்லை என்றே கூறலாம்...!👇👇
"வடவரையை மத்தாக்கி வாசுகியை நாணாக்கிக்
கடல்வண்ணன் பண்டொருநாள் கடல்வயிறு கலக்கினையே
கலக்கியகை அசோதையார் கடைகயிற்றாற் கட்டுண்கை
மலர்க்கமல உந்தியாய் மாயமோ மருட்கைத்தே"
"அறுபொருள் இவனென்றே அமரர்கணந் தொழுதேத்த
உறுபசியொன் றின்றியே உலகடைய உண்டனையே
உண்டவாய் களவினான் உறிவெண்ணெ யுண்டவாய்
வண்டுழாய் மாலையாய் மாயமோ மருட்கைத்தே"
"திரண்டமரர் தொழுதேத்தும் திருமால்நின் செங்கமல
இரண்டடியான் மூவுலகும் இருள்தீர நடந்தனையே
நடந்தஅடி பஞ்சவர்க்குத் தூதாக நடந்தஅடி
மடங்கலாய் மாறட்டாய் மாயமோ மருட்கைத்தே"
"மூவுலகும் ஈரடியான் முறைநிரம்பா வகைமுடியத்
தாவியசே வடிசேப்பத் தம்பியொடுங் கான்போந்து
சோவரணும் போர்மடியத் தொல்லிலங்கை கட்டழித்த
சேவகன்சீர் கேளாத செவி என்ன செவியே
திருமால்சீர் கேளாத செவி என்ன செவியே"
"பெரியவனை மாயவனைப் பேருலக மெல்லாம்
விரிகமல உந்தியுடை விண்ணவனைக் கண்ணும்
திருவடியும் கையும் திருவாயும் செய்ய
கரியவனைக் காணாத கண்ணென்ண கண்ணே
கண்ணிமைத்துக் காண்பார்தம் கண்ணென்ண கண்ணே"
இது தவிர்த்து நான்மணிக்கடிகை, திருக்குறள் முதலான இன்னும் பல இலக்கியங்களில் திருமால் புகழ் ஓங்குகிறது......!
இதன் அடிப்படையில் சங்க இலக்கியங்களில் திருமால் வழிபாடு இல்லை என்ற பச்சை பொய்களையும் உடைத்தெறியலாம்...!
